تركيا بلد يتميز بالعديد من الجامعات الشهيرة حول العالم، وتجذب عددًا كبيرًا من الطلاب الذين يرغبون في تقديم امتحانات القبول الجامعية في الجامعات التركية. وبالنسبة لهؤلاء الطلاب، تقديم الامتحانات قد لا يكون سهل وذلك لان بعض الجامعات التركية لا تقوم بوضع مراكز لامتحانها في المدينة التي يسكن فيها الطالب , هذا مايجعل من السفر بين الولايات التركية ضروري وخصوصا ان بعض الجامعات الحكومية تكون فرص القبول فيها مرتفعة جدا .
يوجد عدة طرق للسفر بين الولايات التركية , في هذا سنتحدث عن طريقتين وهما طريقة السفر بالطيران وطريقة السفر عن طريق الباصات , تمت كتابة المقال بناء على تجربة طالب يوس سابق مع السفر لتقديم الامتحانات بين الولايات التركية .
إذا كنت ترغب في السفر عن طريق الباص، فإن هذه الطريقة تعتبر الأكثر اقتصادية. ويتميز النقل بالحافلات في تركيا بالكفاءة والجودة العالية، حيث توفر الشركات العديد من الخيارات المختلفة من حيث الأسعار والراحة والمناطق التي تخدمها. وعلى الرغم من أن الرحلة ستستغرق وقتًا أطول مقارنة بالطيران، إلا أنها قد تكون الخيار الأمثل للطلاب الذين يرغبون في توفير المال والتنقل في المدن التركية.
من جهة أخرى، إذا كنت تفضل الوصول إلى وجهتك بأسرع وقت ممكن، فإن السفر عن طريق الطائرة هو الخيار الأفضل. ويتوفر العديد من الرحلات الجوية اليومية بين المدن التركية، مما يجعل السفر أسرع وأكثر راحة. وتتميز شركات الطيران في تركيا بتوفير خدمات ممتازة واسعار معقولة، مما يجعل السفر بالطائرة خيارًا جيدًا للطلاب الذين يرغبون في توفير الوقت والتنقل بين المدن بأسرع وقت ممكن.
تجربة شخصية لطالب يوس :
رح ابدا بتجربتي بالسفر عن طريق الباص , انا مقيم بغازي عنتاب وكنت رايح اقدم امتحان جامعات سكاريا ، كان اقرب مركز الي هي مدينه مرسين لهيك انجبرت اني اسجل على مركز مرسين لانه بالنسبه الي كان الامتحان كثير مهم ومثل ما بنعرف سكاريا بتعطي كثير مقاعد للأجانب يعني ونسبه القبول فيها تعتبر مرتفعه فلهيك قررت ادخل الامتحان ، طلعت برحله مع المعهد سجلت بالرحله وكله تمام يوم الرحله ركبنا بالباصات كانوا طبعا الباصات صغيره هدول السربيس الصغار ، ركبنا بالباص بلشت الرحلة طبيعي اول شيء بعدين بنص الطريق بلشوا يشغلوا اغاني وكان في ضجه كتير فهاد الشيء كتير كتير كان مزعج طبعا هذا الشيء كان مزعج بوقت الامتحان على الطريق انت ممكن تكون مبسوط وتنبسط ويكون الوضع حلو بس انت لما بتدخل على الامتحان ببلش يبان عليك التعب والارهاق من الطريق ومن الاغاني ومن الضجه اللي كانت حواليك دخلت الامتحان وكانت علامتي كتير وقتها يعني علامه تكاد لا تذكر ولا تعتبر علامه حتى وهذا الشيء كله كان سببه الارهاق من الطريق وما كانت يعني بعيده كتير المسافه ، بس العامل الاكبر يلي اثر عليي هو الاغاني والضجه اللي كانت بالباص وما ارتحنا بشكل كافي والمخ بشكل خا ما ارتاح بشكل كافي
طبعا انا بنصح الطلابه اللي بدهن يسافروا مع المعاهد او الرحلات الطلابية الخاصة يتاكدوا انه جو الباص راح يكون مريح وهادئ قبل ما يسجلوا بالرحله من منظمين الرحله ويشرطوا عليهم انه تكون الرحله ما فيها ضجه ابدا وتكون مريحه تماما بدون اي اصوات او اغاني او حكي طلاب وصريخ وعياط وهي القصص .
بالنسبه لتجربتي بالسفر بالطائره طبعا كانت كثير اريح من السفر بالباص كنت انا متل ما قلت فوق قاعد بغازي عنتاب فقررت اقدم امتحان جامعه دوكوز ايلول الامتحان كان بمدينه ازمير ومدينه ازمير تعتبر بعيده شوي زياده عن مدينه غازي عنتاب لهيك قررت اروح بالطياره حجزت اوتيل بمدينه ازمير كانت الليله تقريبا 20 دولار او 15 دولار اي ما يعادل بهذاك الوقت 200 ليره او 150 ليره هيك شيء والله مالي متذكر منيح ، اخذت الطياره من غازي عنتاب وكانت المسافه تقريبا ساعه وعشر دقائق وصلنا لهنيك بدون اي تعب او ارهاق او تعب بدني او ذهني وصلت على الاوتيل وطبعا ارتحت ليله كامله هنيك ودرت شويه بمدينه ازمير لان المدينه كثير حلوه بعدين رحت قدمت الامتحان والحمد لله كانت العلامه كثير منيحه وبالمقارنه مع الباص طبعا الطياره اريح بمليون مره الواحد ما بيتعب ابدا لا ذهنيا ولا بدنيا وبتكون جاهز 100% للامتحان لانه دائما الطياره بتكون اسرع بكثير من الباصات
.
